តិចណិចក្នុងការអាន

១. មុននឹងអាន ត្រូវសួរសំណួរ

មុនពេលអ្នកអានសៀវភៅ ប្រាកដណាស់ថាអ្នកប្រហែលជាមានគំនិតខ្លះៗទាក់ទងនិងសៀវភៅនេះ ដែលអាចអនុញ្ញាតអោយអ្នកសំនួរមួយចំនួនដូចជា៖

តើខ្ញុំបានដឹងអ្វីខ្លះហើយ?

តើខ្ញុំចង់ដឹងអ្វីខ្លះបន្តទៀត?

ខ្ញុំមានចំងល់ប្រសិនបើ..........

២. ពេលកំពុងអាន ត្រូវផ្អាកមួយភ្លែតហើយសួរសំណួរ

សួរសំនួរទៅខ្លួនអ្នកនៅពេលដែលអ្នកកំពុងអាន វាក៏អាចជួយអោយអ្នកយល់ដឹងនូវអ្វីដែលអ្នកកំពុងអានផងដែរ។ អ្នកអាចសួរសំណួរបានដូចជា៖

តើពត៍មានដែលខ្ញុំទទួលបាននេះ មានទំនាក់ទំនងនិងអ្វីដែលខ្ញុំដឹងដែរទេ?

តើអ្នកនិពន្ធចង់មានន័យថាម៉េច?

ខ្ញុំនៅតែចង់ដឹងអំពី...?

៣. ដូចគ្នាពេលកំពុងអាននៅពេលដែលជួបកន្លែងដែលពិបាកត្រូវឈប់អោយយូរបន្តិចដើម្បីគិត

នៅពេលដែលអ្នកកំពុងអាន ហើយជួបចំណុចដែលពិបាកអ្នកគួរផ្អាកការអានអោយយូរបន្តិចហើយធ្វើសកម្មភាពមួយចំនួនដូចខាងក្រោម៖

ផ្អាកដើម្បីគិតអ្វីដែលគេចង់និយាយនៅក្នុងអត្ថបទ

បំបែកអត្ថបទទៅជាបំណែកតូចៗ

ស្វែងរកពាក្យដែលអ្នកមិនយល់

ធ្វើការសង្ខេបឡើងវិញ

៤. ធ្វើការស្រមើស្រមៃ បង្កើតរូបភាពនៃការអានរបស់យើង

ពេលដែលអ្នកកំពុងអាន អ្នកក៏ត្រូវការធ្វើការស្រមើស្រមៃទៅរករូបភាពអ្វីដែលអ្នកកំពុងអាន។ គួរបញ្ជាក់ថា រូបភាពក៏អាចធ្វើអោយការអានរបស់យើងរីកចម្រើនបានដែរ ហើយក៏ឆាប់យល់ផងដែរ។ ពិសេសមួយទៀតនោះវាធ្វើអោយយើងចងចាំនូវអ្វីដែលយើងបានអានផងដែរ។

៥. កត់ចំណាំចំណុចសំខាន់ៗ(ពេលកំពុងអាន)

ផ្លូវដែលជោគជ័យសម្រាប់អ្នកដែលចូលចិត្តអានគឺការកត់ចំណាំ អ្នកគួរអនុវត្តវិធីមួយចំនួនដូចជា៖

ស្វែងរកចំណុចសំខាន់របស់អ្វីដែលយើងកំពុងអាននោះ

បម្លែងវាអោយមកជាពាក្យរបស់យើងដែលអាចងាយយល់ជាង

ការកត់ចំណាំគួរតែខ្លីតាមដែលអាចធ្វើបាន

រៀបចំកំណត់ត្រារបស់អ្នកអោយមានរបៀប

ធ្វើការរំលឹកឡើងវិញនូវអ្វីដែលយើងបានកត់ត្រានោះ

៦. ស្វែងរកគំនិតសំខាន់របស់វា(ក្រោយពេលអាន)

បន្ទាប់ពីអានចប់អ្នកគួរសំណួរមួយចំនួនទៅខ្លួនអ្នកដូចជា៖

តើអ្វីជាចំណុចសំខាន់របស់សៀវភៅនេះ?

តើវាចង់ផ្ដល់គំនិតអប់រំបែបណាដល់អ្នក

តើគំនិតនេះវាទាក់ទងនិងអ្វី?

ទាំងនេះសុទ្ធតែជាអ្វីដែលអ្នកចាំបាច់គួរយល់ដឹង។ បុគ្គលមួយចំនួនមិនបានយល់ពីគន្លឺះទាំងនេះទេ ហើយធ្វើការអាន រហូតដល់អានចប់សៀវភៅច្រើនក្បាលតែមិនដឹងថាទទួលបានអ្វីមកវិញ។ នេះបណ្ដាលមកពីគាត់មិនដឹងពីរបៀបអាន។

ដោយ៖ គុល ដឿន