កលល្បិចក្នងសង្រ្គាម រវាងយួនខាងត្បូង និងយួនខាងជើង

យួនបានធើ្វចំបាំងគ្នាឯងយមានរយៈពេលជាងម្ភៃឆ្នាំមកហើយ ការដែលយួនទាំងសងខាងធ្វើចំបាំងនេះមិនមែនមានន័យថា យួនរំដោះទឹកដីពីយួនមួយទៅឲ្យយួនមួយទៀតទេ ការដែលយួនធ្វើចំបាំងនេះ គឺជាល្បិចរបស់គេ សម្រាប់ទាក់ទាញមហាអំណាចក្រហមនិងខៀវ ឲ្យចូលមកប្រកួតប្រជែងគ្នាជួយកសាងកម្លាំងទ័ពទាំងសងខាង ដូចជាពង្រឹកអ្នកបច្ចេកទេស ជួយបង្ហាត់បង្រៀន អ្នកបើកបររថក្រោះ បើកយន្តហោះ កប៉ាល់ទឹក និងកប៉ាល់មុជទឹក ជួយពង្រឹងសេដ្ឋកិច្ច ជួយរៀបចំស្ថាបនាពីមានផ្លូវតូច ទៅផ្លូវធំៗល្អៗ....ជាដើម។

កត្តាទាំងអស់នេះ ដែលធ្វើឲ្យអ្នកដឹកនាំយួនទាំងពីរនាំគ្នាធើ្វសង្រា្គមដើម្បីកសាងស្រុក កសាងប្រទេសគេ អ្នកដឹកនាំយូនមានជំនឿយ៉ាងច្បាស់ចា​ទោះជាយួនខាងជើងយកបានយួនខាងត្បូង ឬយួនខាងត្យូងយកបានយួនខាងជើងនោះ ក៏នៅតែជាជាតិយួនដដែល។ កត្តានេះហើយ បានជាអ្នកជំនាញការរឿងយួនគេតាមដានមើលឃើញថា យួនច្បាំងគ្នាជាងម្ភៃឆ្នាំ ស្រាប់តែស្រុកយួនខាងត្បូងកើតរោងចក្រឧស្សាហកម្ម រីកដុះដាលដូចផ្សិត មានវាលយន្តហោះធំៗ អ្នកបច្ចេកទេសក៏បច្រើន។ល។

ដូច្នេះអ្នកជំនាញការឿងស្រុកយួន គេឲ្យន័យថា យួនច្បាំងគ្នាកសាងសេដ្ឋកិច្ច និងពង្រីកទឹកដី។ មកដល់ត្រង់ឃ្លានេះសមនឹងពាក្យខ្មែរយើងថា៖ យួននឹងយួនច្បាំងគ្នារីកទឹកដី ខ្មែរនិងខ្មែរច្បាំងគ្នារលាយទឹកដី ។

រឿងពិតដូច្នេះមែន យើងមើលឃើញយួននិងយួនច្បាំងគ្នា គឺយួនម្ខាងធើ្វជាកលល្បិចមកតាំងមូលដ្ឋានទ័ពនៅក្នុងទឹកដីខ្មែរ ហើយយួនម្ខាងទៀត ធ្វើជាដេញតាមរកសត្រូវដែលចូលមកនៅស្រុកខ្មែរ ដល់ទីបំផុតភ្នក់ភ្លើងសង្គ្រាមតម្រង់មកលើស្រុកខ្មែរយើងតែម្តង។