គេងឲ្យបានបានលក់ស្រួល

 

រូបភាព៖ Internet

ខណៈពេលដែលអ្នកកំពុងគេង ខួរក្បាលរបស់អ្នកនឹងធ្វើការលាងសម្អាតនិងរក្សាទុកនូវពត៏មានមួយចំនួនដែលអ្នកបានប្រទះជួប នាពេលកន្លង(ធ្វើឲ្យមានគេងយល់សប្តិ)។ ដូច្នេះនៅពេលដែលអ្នកក្រោកពីគេង ក៏មានអារម្មណ៏ថា ស្រលះខួរក្បាល។ ដើម្បីធ្វើឲ្យការគេងរបស់អ្នកមានគុណភាពជៀសវាងនូវការគេងមិនបានគ្រប់គ្រាន់ អ្នកគួរអនុវត្តនូវវិធីសាស្ត្រមួយចំនួនដូចខាងក្រោមនេះ ៖

១. ទទួលយកពន្លឺពេលព្រឹកឲ្យបាន ២០ នាទី

ភ្នែករបស់អ្នកត្រូវការពន្លឺពេលព្រឹក យ៉ាងហោចណាស់ ២០ នាទីដើម្បីឲ្យដាស់អារម្មណ៏របស់អ្នកឲ្យស្វាងនិងកំណត់ពេលឲ្យអ្នកបានគេងលក់ស្រួលនៅពេលយប់។ ដូច្នេះអ្នកត្រូវទទួលយកពន្លឺដោយផ្ទាល់ជៀសវាងការពាក់វ៉ែនតា ឬនៅក្នុងបន្ទប់ការពារដោយកញ្ចក់ជាដើម។ ឬអ្នកអាចចេញក្រៅអាគារដោយទទួលយកកម្តៅនៅមុនពេលអាហារថ្ងៃត្រង់។

២. បិទកុំព្យូទ័រឲ្យបាន ២ ម៉ោងមុនពេលចូលគេង

ពន្លឺដែលជះចេញពីអេក្រង់ កុំព្យូទ័រ ស្រដៀងនឹងពន្លឺព្រះអាទិត្យដែលអាចជះឥទ្វិពលអាក្រក់ខួរក្បាលរបស់អ្នក ហើយធើ្វឲ្យប៉ះពាល់ដល់ដំណេករបស់អ្នក។

៣. ខណៈអ្នកគេង មិនត្រូវធ្វើអ្វីទាំងអស់

នៅពេលដែលអ្នកដាក់ខ្នងដល់ពូកហើយ អ្នកមិនត្រូវចុចទូរស័ព្ទ ឬ មើលទូរទស្សន៏ឡើយ។ ដូច្នេះនៅពេលដែលសម្រាកហើយគឺគេងតែម្តង។

៤. ជៀសវាងការទទួលទានជាតិ កាហ្វេអ៊ីន នៅពេលល្ងាច

កាហ្វេអ៊ីន ធ្វើឲ្យអ្នកពិបាកក្នុងការគេង ដូច្នេះនៅអ្នកគួរជៀសវាងការទទួលទានគ្រឿងទាំងនេះ។ បើអ្នកមិនអាចអត់បានទេ អ្នកអាចទទួលទានក្នុងបរិមាណតិចតួចបានហើយតែមិនត្រូវញុំានៅពេលល្ងាចទេ។