រឿងមួយចំនួនដែលអ្នកត្រូវតែធ្វើនាវេលាក្រោកពីព្រលឹម

រឿងមួយចំនួនដែលអ្នកត្រូវតែធ្វើនាវេលាក្រោកពីព្រលឹម

១-ត្រូវរលឹកដល់អនាម័យជាដំបូងបំផុតដើម្បីបណ្តុះកំលាំងរាងកាយនិងគិតតែរឿងវិជ្ជមានដែលនឹងកើតមានចំពោះថ្ងៃនេះ។

២-ត្រូវព្យាយាមធ្វើចិត្តឲ្យស្ងប់ កុំឲ្យភ្ងាក់ផ្អើលឬអណ្តែតអណ្តូងនឹងឲ្យនឹកថា រហូតក្នុងមួយថ្ងៃនេះ អាត្មាអញមានចិត្តរៀបរយនឹងធឹងប្រៀបដូចទឹកស្ងប់ឥតមានរលកទោះបីមានហេតុការណ៍អ្វីកើតឡើងក៏ឥតមានព្រឺឡើយ។

៣-ព្យាយាមធ្វើចិត្តឲ្យស្រស់ស្រាយ លះបង់មិនរើសយករឿងដែលនាំឲ្យចិត្តសៅហ្មងចិត្ត ធ្វើឲ្យ មួហ្មងចិត្តមកធ្វើជាអារម្មណ៍។

៤-មានគោលបំណងដ៏មុតស្រួចដូចជាម្ជុល ដែលដោតចុះយ៉ាងចោះចំថាយើងនិងធ្វើអ្វីនៅថ្ងៃនេះ ដើម្បីសម្រេចដូចម្តេចសម្រាប់ជីវិតរបស់យើង។

៥-ឲ្យមានសេចក្តីសង្ឃឹមដ៏ពេញលេញចំពោះកិច្ចការដែលធ្វើនោះសូម្បីមានឧបសគ្គប្រភេទណាក៏ដោយ ក៏រារាំងមិនឲ្យអស់សង្ឃឹម និងមិនលះបង់ចោលដែរ។

៦-តាំងចិត្តយ៉ាងមាំថាយើងមានគុណសម្បត្តិនិងមូលដ្ឋានជាគ្រឿងជួយខ្លួនយើងយើងពេញចិត្តហៅឲ្យគ្រោះអាក្រក់ ឬឧបសគ្គនានារៀបជាជួរចូលមករកយើងចុះយើងតទល់ឲ្យវាចុះចាញ់បាត់បង់ទៅវិញតាមលំដាប់លំដោយ។

ដកស្រង់និងកែសម្រួលពីសៀវភៅ សាងខ្លួនឯង

ដោយ ស៊ិង សុង