តោះទៅមើលប្រទេសទាំង ១០ ដែលការរស់នៅ ប្រកបដោយសុភមង្គលបំផុតក្នុងពិភពលោក!

 ១០. Sweden (ប្រទេស ស៊ុយអែត)

 

ប្រទេស ស៊ុយអែត (ឈ្មោះជាផ្លូវការគឺ ព្រះរាជាណាចក្រ ស៊ុយអែត) ជាប្រទេស ដែលស្ថិតក្នុងទ្វីបអឺរ៉ុប ភាគខាងជើង មានព្រំប្រទល់ខាងលិច ជាប់នឹងប្រទេស ន័វេស និងខាងកើត ជាប់នឹងប្រទេស ហ្វាំងឡង់ និងតភ្ជាប់ទៅប្រទេស ដាណឺម៉ាក ដោយស្ពាន Öresund ។ ប្រទេសនេះ មានផ្ទៃដីចំនួន ៤៥០,២៩៥ គីឡូម៉ែត្រការ៉េ និងមានប្រជាជនសរុបជាង ៩.៨ លាននាក់។

៩. Australia (ប្រទេស អូស្រ្តាលី)

 

ប្រទេស អូស្រ្តាលី (ឈ្មោះជាផ្លូវការគឺ សាធារណរដ្ឋ អូស្រ្តាលី) ស្ថិតក្នុងទ្វីបអូស្រ្តាលី ក៏ដូចជាប្រទេសដែលមានទំហំធំបំផុត លំដាប់ទី ៦ របស់ពិភពលោក។ ប្រទេសនេះ មានផ្ទៃដី ៧,៦៩២,០២៤ គីឡួម៉ែត្រការ៉េ និងមានប្រជាជនសរុប ២៤,១៦២,៩០០ នាក់បើគិតមកទល់នឹងឆ្នាំ ២០១៦ នេះ។

៨. New Zealand (ប្រទេស នូវែលហ្សេឡង់) 

 

ប្រទេស នូវែលហ្សេឡង់ ជាប្រទេសដីកោះមួយ ស្ថិតក្នុងភាគនិរតី នៃមហាសមុទ្រប៉ាស៊ីហ្វិក។ ប្រទេសនេះ បែងចែកជាសមាសភាពភូមិសាស្រ្តសំខាន់ពីរគឺ កោះខាងជើង (Te Ika-a-Māui) និងកោះខាងត្បូង (Te Waipounamu) ជាមួយនឹងកោះតូចៗជាច្រើនក្បែរៗនោះផងដែរ។ ប្រទេស នូវែលហ្សេឡង់ មានផ្ទៃដីសរុបចំនួន ២៦៨,០២១ គីឡូម៉ែត្រការ៉េ និងមានប្រជាជនប្រមាណ ៤,៧០៧,៣០០ នាក់ ក្នុងឆ្នាំ ២០១៦ នេះ។

៧. The Netherlands (ប្រទេស ហូឡង់) 

 

ប្រទេស ហូឡង់ (ឈ្មោះជាផ្លូវការគឺ ព្រះរាជាណាចក្រហូឡង់) ជាប្រទេសដែលមានទំហំតូច តែមានប្រជាជនរស់នៅច្រើន ស្ថិតក្នុងអឺរ៉ុប ប៉ែកខាងលិច និងមានកោះបី បន្ថែមទៀតក្នុងតំបន់ Caribbean។ ប្រទេសនេះ មានផ្ទៃដីសរុបទំហំ ៤១,៥៤៣ គីឡូម៉ែត្រការ៉េ និងមានប្រជាជនរស់នៅចំនួនជាង ១៧ លាននាក់ ក្នុងឆ្នាំ ២០១៦ នេះ។

៦. Canada (ប្រទេស កាណាដា) 

 

ប្រទេស កាណាដា ជាប្រទេសដែលនៅកណ្តាលភាគខាងជើង នៃទ្វីបអាមេរិកខាងជើង ដែលមានប្រជាជនរស់នៅប្រមាណជាង ៣៦ លាននាក់ ក្នុងអំឡុងឆ្នាំ ២០១៦ នេះ និងមានផ្ទៃដីទំហំជាង ៩.៩៨ លានគីឡូម៉ែត្រការ៉េ ជាហេតុបណ្តាលឲ្យប្រទេសនេះ ក្លាយជាប្រទេសដែលមានដីទំហំធំបំផុតទី ២ របស់ពិភពលោក។

៥. Finland (ប្រទេស ហ្វាំងឡង់) 

 

ប្រទេស ហ្វាំងឡង់ (ឈ្មោះជាផ្លូវការគឺ សាធារណរដ្ឋ ហ្វាំងឡង់) ជារដ្ឋអធិបតេយ្យភាព ក្នុងទ្វីបអឺរ៉ុប។ ប្រទេសនេះ មានផ្ទៃដីសរុបចំនួន ៣៣៨,៤២៤ គីឡូម៉ែត្រការ៉េ និងមានប្រជាជនរស់នៅប្រមាណ ៥,៤៨៨,៥៤៣ នាក់ បើគិតមកដល់ខែមិនា ឆ្នាំ ២០១៦ នេះ។ ហ្វាំងឡង់ ជាប្រទេសដែលធំបំផុតទី ៨ ក្នុងតំបន់អឺរ៉ុប និងជាប្រទេសដែលមានចំនួនប្រជាជនតិចជាងគេបំផុត នៅក្នុងសហភាពអឺរ៉ុប។

៤. Norway (ប្រទេស ន័រវេស) 

 

ប្រទេស ន័រវេស (ឈ្មោះជាផ្លូវការគឺ ព្រះរាជាណាចក្រ ន័រវេស) ជាប្រទេសកាន់របបរាជាធិបតេយ្យ និងអធិបតេយ្យភាព។ ប្រទេសនេះ មានផ្ទៃដីមានទំហំសរុប ៣៨៥,២៥២ គីឡូម៉ែត្រការ៉េ និងមានប្រជាជនចំនួន ៥,២១៣,៩៨៥ បើគិតមកត្រឹមខែ ឧសភា ឆ្នាំ ២០១៦ នេះ។ ប្រទេស ន័រវេស មានរាជធានីឈ្មោះ Oslo ដែលជាទីក្រុងធំជាងគេ ក្នុងប្រទេសផងដែរ។

៣. Iceland (ប្រទេស អ៊ីស្លង់) 

ប្រទេស អ៊ីស្លង់ (ឈ្មោះជាផ្លូវការគឺ សាធារណរដ្ឋ អ៊ីស្លង់) គឺជាប្រទេសដីកោះ Nordic ស្ថិតនៅចន្លោះតំបន់ អាត្លង់ទិកខាងជើង និងតំបន់ មហាសមុទ្រអាកទិក។ ប្រទេសនេះ មានប្រជាពលរដ្ឋរស់នៅប្រមាណ ៣៣២,៥២៩ នាក់ លើផ្ទៃដីទំហំ ១០៣,០០០ គីឡូម៉ែត្រការ៉េ (បណ្តាលឲ្យប្រទេសនេះ ជាប់ជាប្រទេសដែលមានប្រជាជនតិចជាងគេ ក្នុងអឺរ៉ុប)។

២. Switzerland (ប្រទេស ស្វីស) 

 

ប្រទេសស្វីស (ឈ្មោះជាផ្លូវការគឺ សហព័ន្ធ ស្វីស) ជាប្រទេសសាធារណរដ្ឋសហព័ន្ធមួយ ក្នុងទ្វីបអឺរ៉ុប។ ប្រទេសនេះមានផ្ទៃដីសរុបចំនួន ៤១,២៨៥ គីឡូម៉ែត្រការ៉េ និងប្រជាជនជាង ៨ លាននាក់ បើគិតត្រឹមខែកញ្ញា ឆ្នាំ ២០១៤។ ប្រទេស ស្វីស គ្មានរាជធានីទេ ប៉ុន្តែមានទីក្រុង Zürich ជាទីក្រុងធំជាងគេ។

១. Denmark (ប្រទេស ដាណឺម៉ាក) 

ប្រទេស ដាណឺម៉ាក (ឈ្មោះជាផ្លូវការគឺ ព្រះរាជាណាចក្រ ដាណឺម៉ាក) ជាប្រទេស ក្នុងទ្វីបអឺរ៉ុប ដែលមានផ្ទៃដីសរុប ៤២,៩២៤ គីឡួម៉ែត្រ និងមានប្រជាជនរស់នៅជាង ៥.៧ លាននាក់។ ប្រទេស ដាណឺម៉ាក មានរាជធានីឈ្មោះ Copenhagen ដែលជាទីក្រុងធំជាងគេ ក្នុងប្រទេសផងដែរ។

ដោយ៖ សៀវប៉ាវ