ហេតុអ្វីបានជាមនុស្សខ្លះដេកស្រមុក?

អ្នកប្រហែលជាធ្លាប់ពិនិត្យឃើញមនុស្សខ្លះដេកលក់ស្រមុកខុលៗ លាន់សម្លេងដូចខ្លា គួរឲ្យព្រឺខ្លាចសម្បើម។ តើអ្នកដឹងឬទេ ថាមនុស្សខ្លះដេកលក់ ម៉េចក៏ស្រមុក? 

បញ្ហានេះជាបញ្ហាធម្មតារបស់មនុស្ស តែបើយើងនិយាយពីហេតុផលដែលបណ្តាលឲ្យស្រមុកវិញ បែបមិនសូវមានអ្នកយល់ច្បាស់ឡើយ។ ដូច្នេះយើងខ្ញុំរៀបរាប់បញ្ជាក់ប្រាប់មិត្តដូចខាងក្រោមនេះ ៖

មនុស្សដែលដេកស្រមុក គឺបណ្តាលមកពីតឹងច្រមុះ មកពីដង្ហើមចេញចូលពិបាក បានជាបង្ខំឲ្យដកដង្ហើមតាមមាត់។ ដូចនេះនៅពេលដកដង្ហើម ក្រអូមមាត់ខាងក្នុងដែលមានសភាពទន់ក៏ញ័ររញ្ជួយ បន្លឺសម្លេងគ្រូកក្រាកៗ!!!

ម្យ៉ាងទៀត ចុះបើច្រមុះគេគ្មានជម្ងឺអីសោះ ម៉េចក៏ពិបាកដកដង្ហើម?

ត្រង់នេះយើងខ្ញុំសូមបញ្ជាក់ថា បុព្វហេតុដែលបណ្តាលឲ្យតឹងច្រមុះគឺបណ្តាលមកពីក្បាលយើងកើយមិនស្រួល បានជាខ្យលើចេញចូលមិនស្រួល។ ហេតុនេះ ដើម្បីការពារកុំឲ្យស្រមុក យើងត្រូវ កើយឬកល់ក្បាលយើងឲ្យត្រឹមត្រូវ បញ្ហាកុំឲ្យតឹងច្រមុះ។ ប្រសិនបើអ្នកមានទំលាប់ដកដង្ហើមតាមមាត់ នោះពិបាកនឹងបំបាត់រឿងស្រមុកនេះណាស់។

ប្រភព៖ ឯកសារវិទ្យាសាស្រ្ត ប្រាក់ ជា