ថ្ងៃនេះមានអ្វីពិសេសសម្រាប់លោក នី រតនា?

លោកអ្នកបានស្គាល់ហើយម្ចាស់ពាន Cabodian Idol រដូវកាលទីមួយ គឺលោក នី រតនា ហើយមកដល់ថ្ងៃនេះ គឺជាថ្ងៃគម្រប់ខួបមួយឆ្នាំនៃភាពជោគជ័យបំផុតក្នុងជីវិតរបស់លោកនៅក្នុងកម្មវិធីប្រឡងចម្រៀងលំដាប់ថ្នាក់ពិភពលោក Cabodian Idol។ ចង់ដឹងថាលោកនិយាយអ្វីខ្លះក្នុងថ្ងៃពិសេសរបស់ខ្លួន ខាងក្រោមនេះគឺជាសារដែលលោកបានថ្លែងតាមរយះទំព័រហ្វេសប៊ុករបស់លោក៖

ថ្ងៃនេះគឺជាថ្ងៃគំរប់ខួបមួយឆ្នាំនៃការទទួលបាននូវភាពជោគជ័យដ៏ធំធេងមួយសម្រាប់ជីវិតរបស់ខ្ញុំ ខ្ញុំពិតជារីករាយណាស់ហើយក៏រំភើបយ៉ាងខ្លាំងផងដែរ សម្រាប់ជោគជ័យមួយនេះ សឹងតែរកពាក្យអ្វីមកថ្លែងពុំបានឡើយ ឆ្លៀតឱកាសនេះដែរ ខ្ញុំបាទក៏សូមអរគុណដល់ស្ថានីយ៍ទូរទស្សន៍ ហង្សមាសHD TV ដែលបានបង្កើតនូវកម្មវិធី Cambodian I Dol នេះឡើងសម្រាប់ផ្ដល់ឱកាសដល់បងប្អូនខ្មែរគ្រប់រូបក៏ដូចជារូបខ្ញុំផងដែរ ហើយក៏សូមអរគុណដល់ពុកម៉ែបងប្អូន ពូមីង អ៊ុំប្រុស អ៊ុំស្រី មិត្តៗយុវវ័យទាំងអស់គ្នា ដែលតែងតែស្រលាញ់ចូលចិត្តក៏ដូចជាគាំទ្រដល់រូបខ្ញុំ រហូតមក សូមគោរព ជូនពរបងប្អូនទាំងអស់គ្នា សូមអោយជួបតែសេចក្ដីសុខ សេចក្ដីចំរើន សុខភាពល្អ សំណាងល្អ ជាពិសេសសូមអោយបងប្អូនប្រកបការងារអ្វី សូមអោយបានសម្រេចផងដែរ ។ ពីខ្ញុំបាទ នី រតនា ស្រលាញ់បងប្អូនទាំងអស់គ្នា អរគុណ!