ដៃគូជីវិតពិត?

ដៃគូជីវិតពិត?

សេចក្តីស្រឡាញ់កើតចេញពីចិត្តហើយសេចក្តីស្រឡាញ់គឺតម្រូវការផ្នែកអារម្មណ៍របស់មនុស្សគ្រប់រូប ដែលមនុស្សលោកកើតមកត្រូវតែចេះស្រឡាញ់។ តើចំណុចអ្វីខ្លះដែលអ្នកស្រឡាញ់ដៃគូជីវិតរបស់អ្នក? រូបសម្បត្តិសម្រស់ស្អាត ទឹកចិត្ត អត្តចរឹក ទ្រព្យសម្បត្តិអំណាចបុណ្យស័ក្ក លុយឡានវីឡា។ល។របស់ដៃគូអ្នក?តើអ្វីដែលពិបាករកជាងគេ? អ្វីដែលពិកបាករកនោះគឺដៃគូជីវិតឬក៏មិត្ត១០០ឆ្នាំដ៏ល្អម្នាក់ដែលគាត់ជាមនុស្សដែលប្រកបដោយ ភាពថ្លៃថ្នូរ អត្តចរឹកល្អ ភាពស្មោះត្រង់ និងសមត្ថភាពខ្ពស់។​

រូបសម្បត្តិខាងក្រៅរបស់អ្នករបស់ដៃគូជីវិតអ្នកដែលអ្នកមើលឃើញថាវាស្រស់ស្អាតស្រស់សោភានៅថ្ងៃនេះ វាប្រាកដណាស់នឹងបាត់បង់ទៅវិញនៅថ្ងៃស្អេកឬថ្ងៃខាងមុខជាក់ជាមិនខាន។ ចំនែកឯ បុណ្យស័ក្ក អំណាច លុយ ឡាន វីឡា ទ្រព្យសម្បត្តិទាំងឡាយ អ្នកអាចសាងបាន អ្នកអាចរក នៅថ្ងៃនេះបាន ឬថ្ងៃស្អែកបាន ក៏ប៉ុន្តែវាក៏ត្រូវតែបាត់បង់វិនាសទៅវិញនៅថ្ងៃណាមួយដោយជៀសមិនរួចដែរ ពីព្រោះរបស់ទាំងនោះជារបស់ក្រៅខ្លួន។ ប្រសិនបើអ្នកស្រឡាញ់ដែគូជីវិតរបស់អ្នកឋិតនៅរូបសម្បត្តិជាសំខាន់ចុះថ្ងៃក្រោយនៅពេលដែលដៃគូជីវិតអ្នកបាត់បង់សម្រស់ដ៏ស្រស់សោភានោះទៅ តើអ្នកនៅតែស្រឡាញ់ដៃគូជីវិតរបស់អ្នកទៀតទេ?

ដោយឡែក ប្រសិនបើអ្នកស្រឡាញ់ដៃគូជីវិតរបស់អ្នកឋិតនៅលើ លុយ ឡាន វីឡា អំណាច បុណ្យស័ក្កិ។ល។ ចុះពេលក្រោយមក ដៃគូជីវិតរបស់អ្នកបាត់បង់របស់ទាំងនេះអស់ទៅ តើអ្នកនៅតែស្រឡាញ់ដៃគូជីវិតអ្នកទៀតទេ? ចូរចង់ចាំថាជម្រៅទឹកមហាសមុទ្រគេអាចវាស់បាន តែជម្រៅចិត្ត នាងកល្យាណ បងកល្យាណ គ្មានជនណាម្នាក់អាចវាស់បានឡើយ។ ដូច្នោះមុននឹងធ្វើការសម្រេចចិត្តរើសយកនរណាម្នាក់មកធ្វើជាដៃគូជីវិតនាថ្ងៃអនាគត់អ្នកត្រូវសិក្សាពីផ្នត់គំនិត ទឹកចិត្ត អត្តចរឹក ចំណង់ចំណូលចិត្ត ឆន្ទៈ មហិច្ឆតា តម្រូវការរបស់ដៃគូជីវិតអ្នកឲ្យបានច្បាស់ ឲ្យបានច្រើន តាមដែលអាចធ្វើទៅបាន ដើម្បីជៀសវាងនូវការសម្រេចិត្តខុស ដែលវាបណ្តាលឲ្យមានវិប្បដិសារីនៅថ្ងៃក្រោយនៅពេលដែលយើងបានសម្រេចចិត្តដើរលើវិថីជមួយរួមគ្នាហើយនោះ។ នៅពេលដែលអង្ករបានក្លាយជាបាយហើយនោះ​ ចង់ឬមិនចង់អ្នកត្រូវតែបង្ខំចិត្តហូប។ តើអ្នកហូបបាយឆ្ងាញ់ទេ​ នូវពេលដែលអ្នកត្រូវបានគេបង្ខំចិត្តឲ្យហូប? បើចំពោះរូបខ្ញុំផ្ទាល់វិញ ចម្លើយគឺថាទេ គឺដូចស្លាប់ទាំងរស់។

តើចំណុចអ្វីខ្លះដែលអាចប្រាប់ថាអ្នកជាដៃគូជីវិតដ៏ល្អម្នាក់?  ដៃគូជីវិតដ៏ល្អម្នាក់នោះគឺជាអ្នកដែលធ្វើឲ្យអ្នកមានសេចក្តីសុខបំផុតក្នុងជីវិត ជាមនុស្សដែលនៅកំដរអ្នក លើកទឹកចិត្តអ្នក ផ្តល់កម្លាំងចិត្តដល់អ្នក មិនថាមានបញ្ហាអ្វីក៏ដោយ ហើយមិនបោះបង់អ្នកចោលឡើយ។ទៀតសោតគឺជាអ្នកដែលរួមទាំងសុខនិងរួមទាំងទុក្ខជាមួយគ្នាហើយគាត់ឬនាងជាអ្នកទីប្រឹក្សាដ៏ល្អម្នាក់។ជាពិសេសនោះគឺយើងបានរៀនស្វែងយល់ចិត្តគ្នាទៅវិញទៅមកយើងបានពិភាក្សាបញ្ហាផ្សេងៗបានច្រើនជាមួយគ្នា យើងបានផ្តោះផ្តងយោបល់គ្នាយើងបានបំពេញចន្លោះខ្វះខាត់ដល់គ្នាទៅវិញទៅមកយើងទទួលយកនូវអ្វីៗដែលយើងមានរៀងៗខ្លួន យើងគោរពឲ្យតម្លៃគ្នាយើងបានសិក្សារៀបចំផែនការគ្រួសារនាពេលអនាគតនិងគ្នាយើងបានសិក្សាពីគម្រោងអាជីវកម្មផ្សេងៗនិងគ្នា យើងលើកទឹកចិត្តគ្នាយើងចេះស្រឡាញ់គ្នាយើងស្មោះត្រង់នឹងគ្នាយើងអាធ្យាស្រ័យឲ្យគ្នាទៅវិញទៅមក យើងបំពេញតម្រូវការឲ្យគ្នាយើងបើកចិត្តបើកបេះយ៉ាងទូលាយក្នុងការទទួលយកចំណុចខ្វះខាត់របស់ដៃគូ យើងរីករាយក្នុងការកែប្រែកំហុសឆ្គងរៀងៗខ្លួន។ល។

នៅពេលដែលយើងចេះដាំផ្កាស្នេហ៍ នោះផ្កាផ្លែរបស់វានោះគឺជាសុភមង្គលជីវិត។ ម្យ៉ាងទៀតដើម្បីផ្កាស្នេហ៍យើងល្អនោះគឺយើងចេះស្រោចទឹកដាក់ជីបានដល់ការនិយាយឬពោលពាក្យល្អៗពិរោះ ការយកចិត្តទុកដាក់ ការផ្តល់កម្លាំងចិត្ត អធ្យាស្រ័យ និងអភ័យទាន ទើបបានសុភមង្គលជីតពិត។

អរគុណចំពោះការគាំទ្រ និងពាក្យរិះគន់ទាំងឡាយ!!!

ដោយៈ ស៊ិង សុង