យុទ្ធសាស្រ្តនយោបាយថ្មីដែលគណបក្សគួរផ្តោតលើ

យុទ្ធសាស្រ្តនយោបាយថ្មីដែលគណបក្សគួរផ្តោតលើ

គម្រោងទី១ កម្មវិធីក្រុមសន្សំប្រាក់ក្នុងចំណោមសមាជិកសម្រាប់ឃុំនិងសង្កាត់នីមួយៗ ឲ្យមានថវិកាសម្រាប់បម្រើស្វ័យភាពយុទ្ធនាការនៃដំណើរការកម្មវិធីនយោបាយរបស់ខ្លួន តាមមូលដ្ឋាននីមួយៗដោយមិនពឹងផ្អែកលើមេបក្ស។

គម្រោងទី២ ជំរុញឲ្សសមាជិករបស់ខ្លួនតាមភូមិលក់អង្ករប្រសើរជាងលក់ស្រូវ ឬលក់ផលិតផលសម្រេចប្រសើរជាងលក់វត្ថុធាតុដើម។

គម្រោងទី៣កម្មវិធីអប់រំផ្ទាល់ពីទស្សននយោបាយគោលនយោបាយរបស់គណបក្សតាមឃុំ និងសង្កាត់នីមួយៗ (បណ្តុះចំណេះដឹង និងអ្នកបន្តវេន)។

គម្រោងទ៤ កម្មវិធីសមាជិកអប់រំសមាជិក(មិត្តអប់រំមិត្ត) តាមទីកន្លែងការងារតាមភូមិ តាមហាង សាលារៀន មន្រ្តីរាជការ យុវជន កសិករ កម្មករ អាជីវករ ព្រះសង្ឃ។ល។

គម្រោងទី៥ កម្មវិធីបណ្តុះបណ្តាលបេក្ខភាពយុវជនសម្រាប់បេក្ខភាពក្រុមប្រឹក្សាឃុំ សង្កាត់ ក្រុមប្រឹក្សារាជធានី ខេត្តក្រុង និងបេក្ខភាពតំណាងរាស្រ្ត (គុណភាពបេក្ខភាព)។

គម្រោងទី៦ កម្មវិធីវិទ្យុអប់រំពីគោលនយោបាយរបស់ខ្លួនលម្អិត ដែលគួរពន្យល់សា ធារណជនឲ្យបានច្បាស់ពីការកែទម្រង់ដែលខ្លួនឈ្នះទៅដឹកនាំគ្រប់វិស័យ។ ភាពខុសគ្នារវាងគណបក្សរបស់ខ្លួន និងគណបក្សដទៃទៀត។

គម្រោងទី៧យុទ្ធនាការប្រកបដោយប្រសិទ្ធភាពតាមរយៈការរៀបចំសារនយោបាយបែបណាងាយយល់ សារវិជ្ជមាននិងមានការទាក់ទាញមហាជនតែមានភាពប្រាកដនិយមដែលអាចទៅដោះស្រាយបញ្ហាជូនពលរដ្ឋ និងសង្គមជាតិបាន (ជៀសវាងសារនយោបាយប្រជាភិថុត មនោគមវិជ្ជាមិនច្បាស់លាស់ និងចៀសវាងសារនយោបាយដែលនាំឲ្យមានការស្អប់ខ្ពើមជាតិសាសន៍ខ្លួនឯង)។

គម្រោងទី៨កម្មវិធីវីដេអូអនឡាញដែលគណបក្សនយោបាយគួររៀបចំជាប្រភេទវីដេអូផ្សេងៗគ្នាដូចជា (Video Spots, Video Documentary, Feature, Short Film, Drama, AYAY, Story etc.) ដែលវីដេអូទាំងនោះអាចប្រើប្រាស់បានគ្រប់សម័យកាលបានតាមបែបបណ្តុះធនធានមនុស្ស។

គម្រោងទី៩កម្មវិធីអប់រំតាមរយៈសម្ភារៈផ្សព្វផ្សាយដើម្បីឲ្យមានការផ្លាស់ប្តូរមកចាប់អារម្មណ៍ និងគាំទ្រពីគោលនយោបាយរបស់គណបក្សរបស់ខ្លួន។ការផ្លាស់ប្តូរចំណេះដឹង ការអនុវត្តវប្បធម៌នយោបាយមិនល្អ និងឥរិយាបទបែបជ្រុលនិយម។

គម្រោងទី១០ កម្មវិធីឡជីវឧស្ម័ន និងកសិកម្មចម្រុះសម្រាប់កសិករ និងសមាជិកគណបក្ស។គណបក្សកសិករជាគណបក្សដែលផ្តោតលើកសិកករដោយធ្វើបែបណាឲ្យកសិករមានទុន (ចំណាយទុនតិច) មានទឹក (សហករប្រើប្រាស់ទឹក) និងទីផ្សារកសិផល (សមាគមកសិករលក់ផលិតផល)។

គម្រោងទី១១ កម្មវិធីថាមពលព្រះអាទិត្យសហគមន៍សម្រាប់សមាជិករបស់គណបក្ស ជាពិសេសនៅតំបន់ដាច់ស្រយាល តំបន់ភ្នំតំបន់កោះ និងតំបន់តាមព្រំដែន។ គណបក្សនយោបាយគួរមានសកម្មភាពតាមគម្រោងធ្វើយ៉ាងណាឲ្យកសិករមានថាមពលប្រើប្រាស់ដោយតម្លៃថោក និង មិនផ្តល់ផលប៉ះពាល់ច្រើនដល់បរិស្ថាន និងបម្រែបម្រួលអាកាសធាតុ។

គម្រោងទី១២ កម្មវិធីតស៊ូមតិដើម្បីឲ្យមានអភិបាលកិច្ចល្អមូលដ្ឋាន ក្នុងគោលបំណង ឲ្យ សេវាកម្មសាធារណៈមានគុណភាព និងផ្តល់ឲ្យពលរដ្ឋទាន់ពេលវេលានិងមិនគិតតម្លៃសេវា។ ជំនាញតស៊ូមតិនិងនិយាយជាសាធារណៈគួរបង្រៀនសមាជិកក្នុងការតវ៉ាឲ្យមានការផ្តល់សេវាសាធារណៈមិនមានការរើសអើង និងប្រកបដោយគុណភាពខ្ពស់។

គម្រោងទី១៣ ពង្រឹងភាពជាអ្នកដឹកនាំ និងកាត់បន្ថយគ្រោះថ្នាក់ដោយសារ ការពិសាបារី គ្រឿងស្រវឹង គ្រឿងញៀន ហិង្សាក្នុងនិងក្រៅគ្រួសារ កាត់បន្ថយល្បែងស៊ីសងក្នុងចំណោមសមាជិកសកម្មនិងសមាជិកគាំទ្ររបស់ខ្លួន។

គម្រោងទី១៤ កម្មវិធីពង្រឹងសិទ្ធិអំណាចស្រ្តីក្នុងចំណោមសមាជិករបស់ខ្លួន ជាពិសេស ពង្រឹងសិទ្ធិអំណាចស្រ្តីក្នុងវិស័យនយោបាយ។ បង្រៀនសមាជិកឲ្យមានការលើកទឹកចិត្តស្រ្តីបានឈរជាបេក្ខភាពតំណាងគ្រប់កម្រិតនៃយន្តការជាតិ។ សិទ្ធិស្រ្តី និងតួនាទីយេនឌ័រត្រូវតែលើកជាប្រធានបទក្នុងកម្មវិធីសិក្សា។

គម្រោងទី១៥ កម្មវិធីកិច្ចគាំពារធនធានធម្មជាតិ។ គណបក្សនីមួយៗ គួរធ្វើសកម្មភាពនយោបាយដោយនាំសមាជិករបស់ខ្លួនចូលរួមយ៉ាងសកម្មក្នុងកម្មវិធីការពារធនធានធម្មជាតិ ជាពិសេសព្រៃឡង់ ព្រៃអារ៉ែង ព្រៃទឹកជ្រោះបូស្រា ។ល។

គម្រោងទី១៦កម្មវិធីអប់រំពីគ្រោះថ្នាក់ចរាចរណ៍និងអប់រំសមាជិករបស់ខ្លួនទាំងសមាជិកគាំទ្រ សមាជិកសកម្ម និងគណៈកម្មការគណបក្សឲ្យគោរពច្បាប់ចរាចរណ៍ និងច្បាប់ជាតិ។

គម្រោងទី១៧ កម្មវិធីសមាជិកពីកម្មវិធីបន្សាំទៅនឹងបម្រែបម្រួលបរិយាកាស និងកិច្ចការពារបរិស្ថាន ជាពិសេសអនាម័យទឹកស្អាត និងប្រើប្រាស់បង្គន់អនាម័យតាមផ្ទះ។

គម្រោងទី១៨គម្រោងកម្មវិធីអប់រំសមាជិករបស់ខ្លួនផ្ទះសកម្មជនរបស់ខ្លួនទាំងអស់ត្រូវតែបៃតង អប់រំសមាជិករបស់ខ្លួនឲ្យដាំដំណាំគ្រប់ផ្ទះសមាជិក។ គណបក្សរបៀបបនេះហៅថា គណបក្សបៃតងដែលសមាជិក សកម្មជន និងគណៈកម្មការគណបក្សមានដំណាំចម្រុះតាមផ្ទះ (គ្មានផ្ទះសកម្មជនណាម្នាក់ ទំនេរមិនដាំដុះឡើយ)។

ដកស្រង់ចេញពីសៀវភៅ គ្រូធំ វណ្ណ វិចារ របស់លោក បណ្ឌិតកែម ឡី

ដោយ៖ ស៊ិង សុង

រក្សាសិទ្ធិគ្រប់យ៉ាងដោយ 4share-ចែកចាយ